برنامج ليله الحنه

نفسك تعملي ليلة حنة على آخر صيحات الموضة علشان تفرحي أنت وأصحابك وبدل ما تفرحي ليلة واحدة تفرحي ليلتين أكيد طبعا نفسك وعلشان إحنا عارفين إن نفسك تعالوا نشوف مع بعض برنامج الليلة الحنا عندنا في التالي
في البداية  لا حظت إني  في الغالب بتحتفل العروسه بليلة  الحنة بشكل   تقليدي جدا علي شان كده في بيت الحنه السوداني حاولت اخرج من الشكل التقليدي ده لفكره جديده علي مستوي مختلف  من خلال

1-     فريق عمل متخصص

2-     برنامج متكامل للحنه

تعالوا نتعرف سوا علي التفاصيل

فريق العمل المتخصص

بيتكون الفريق من 8 بنات متخصصين علي النحو التالي

ثلاثه بنات للديجي : بيكون معاهم

1-     احدث انواع السماعات سواء النوع الامريكي او الايطالي لانه يمتاز بصوت مجسم بالإضافه إلي ميكروفون .

2-     بيكون كمان معاهم احدث الأغاني العربيه والانجليزيه القديمه والجديده علي لاب توب بدلا من السي دي علشان لو حد طلب اغنيه معينه بتكون جاهزه في الحال .

ثلاثه بنات لفقرات الشو ومساعدة العروسه .

بنت متخصصه في تصوير الفيدو

بنت متخصصه في رسم الحنه السوداني

أحدث أشكال ورسومات الحنة..

 يتوفر عندنا في بيت الحنه السوداني كتالوج في مجموعه كبيره من الرسومات والنقوش الحنه وطبعا يتم رسمها بالحنه الطبيعيه الخاليه من اي كيماويات حنه سودانيه اصليه من بلدها فمثلا في رسومات علي شكل ورد وفروع شجر وغصن الزيتون ورسمه علي شكل خلخال بتترسم علي اليد والقدم
غير الرسومات الصيني الموضة جداً دلوقتي وبتكون عبارة عن كلمة بحروف صيني لها مــعنى الكلمات التي لها علاقة بالفرح والحب والتفاؤل والرسومات دي بتكون على الذراع والكتف والرقبة والظهر، وفيه كمان رسومات خاصة بالأبراج، ورسومات خاصة من حروف العروسة وزوجها. حاجات كثيره جدا إن شا ءالله ممكن تكون موجوده في قسم رسومات الحنه وطبعا عندنا

فقرات الشو Show

أولا : الفقرات الشو show  الشرقي

الفقره الأولي .  الزفه الدمياطي

أول حاجة بنبدأ مع العروسة بزفة دمـياطـي لأن الزفة الدمياطي مـشهورة جدا بأغـنـيـة (بسم الله هنبدأ الليلة....) والعروسة بتلبس طرحة وتاج وترقص مع الدفوف وموسيقى الدي جي

الفقره الثانيه  الزفه اللبناني

 بعد كده نبدأ الفقرة الثانية الخاصة بالزفة اللبناني، والعروسة بتلبس إستايل لبناني فيه كل حاجة في الفستان والعقد والخلخال حتى العصايا اللي بترقص بيها مع البنات بتكون مصممة من الطابع اللبناني وبترقص (دبكة لبناني)

الفقره الثالثه . الشو الشرقي

العروسة بتكون لابسة بدلة رقص شرقي والبنات اللي بيرقصوا معاها بيكونوا لابسين جلاليب ملونة مطرزة (بخرج النجف)

الفقره الرابعه .  الزفه الإسكندراني

 الزفة الإسكندراني والعروسة بتلبس فيها برقع وملاية لف.

الزفة الكاريوكي في ليلة الحنة عايزين نتعرف عليها أكتر

كلمة كاريوكي معناها (مزيكا بدون صوت)  يعني مثلا إحنا بنجهز مزيكا على أغنية يا واد يا تقيل لسعاد حسني مثلاً والعروسة تغني بدلا من صوت سعـاد حسني، وفي الــزفة الكاريـوكي (العروسة بتلبس فستان) قصير يشبه فستان سعاد حسني في أغنية يا واد يا تقيل وبنقدمها من خلال برنامج ليلة الحنة على أنها (سندريلا الشاشة العربية)

ده غير إننا عندنا أكثر من موديل العروسة بتختاره ونختار كمان مزيكا لأغاني مختلفة تانية بس ده كان مثال للي بيحصل .  

ثانيا : الفقرات الشو show  الغربي

1- شاكيرا  Show

في الفقرة الغربي بنطلب من العروسة إنها تلبس بدلة (شاكيرا) وبنخلي العروسة تشبه شاكيرا بالضبط في الشعر والماكياج وكل حاجة وبترقص في الفقرة دي أغاني أجنبية مع رقصة الصالصا

2- الشو الاسباني

وبعد كده بتلبس العروسة (إسباني) عبارة عن بدلة ملونة بألوان كثيرة مع شابوه كبير فيه مجموعة من الفاكهة والورود

3-       الشو الهندي

وبعد كده نستعد (للشو الهندي) وتلبس العروسة ثوب هندي مطرز بالسيرما مع الإكسسوار الخاص بالهنود وبيرقصوا معاها أصحابها رقصات هندي

4-      هاواي شو

أما الشو (الهاواي) وهو مأخوذ من جزيرة هاواي وبتلبس العروسة فيه تايير ملون من قطعتين مرصع كله بالورود وبتلـبس (شخاليل) في إيديها وترقص على مزيكا خاصة من جزر الهاواي...

5- الشو الفلاحي

 وبنرجع فيه للأصل وبيكون عبارة عن صينيه ليلة الحنة مزينة بالحلقان والإيشاربات والشخاليل وطبق فيه حنة وشمع وبترقص العروسة مع أصحابها على الأغاني الخاصة بأفراح الريف وبتكون ماسكة البلاص زي البنت الريفية بالضبط، ونهاية الشو العروسة بتطفي شمع ليلة الحنة ومعناها إن الليلة خلصت.

أحدث التقاليع في ليلة الحنة

البوستر

أول مرة تتعمل في مصر اسمها (البوستر) وهو عبارة عن بوستر كبيربيكون مقاسه

 2 متر × 120 سم وبيكون عليه شكل (عروسة كاريكاتير) تكون لابسة فيه فستان فرح قصير وشكلها لذيذ ومكتوب على البوستر كلمة كبيرة اسمها (هاتجوز) في آخر البوستر بنكتب اسم (روش للعروسة) والعروسة هي اللي بتختاره زي مثلاً قطوطة, سمسمة, بندقة..... وبعد كده أصحابها البنات بيكتبوا على البوستر كلمات خاصة للعروسة زي بنحبك – أنت جميلة – عقبالنا وهكذا... وبـتكون الكلمـات دي زي اللي بتتكـتب عــلى (جيست بوك) وبعد كده العروسة بتاخذ البوستر وتحتفظ بيه في بيتها.

"البنياتا"

أحدث فكرة في ليلة الحنة  وبتكون على شكل عروسة مصنوعة من الفوم شعرها أصفر، ومصنوعة من الكرتون ومجوفة من الداخل، ونملاها مجموعة من الهدايا والشيكولاتة وبنعلق "البنياتا" في مكان عالي شوية، وفي نهاية ليلة الحنة بنخبطها وبعدها بتتفتح وتنزل منها الهدايا على الأرض وأصحاب العروسة يتسابقوا ويأخذوا الهدايا والحاجات الحلوة الموجودة داخل "البنياتا". 

لو عايزه ليله حنه زي دي 

اتصلي بيه بيت الحنه السوداني

                            01007764127